Braziliya yığması noyabrda iki yoldaşlıq görüşü keçirəcək. Komandanın məşqçilər heyəti qarşıdakı oyunlara dəvət alan futbolçuların siyahısını dəqiqləşdirib. “Selesao”nun baş məşqçisi Karlo Ançelotti zədəsi yenicə sağalan “Santos”un ulduz hücumçusu Neymarı çağırmayıb. 33 yaşlı futbolçu bu yaxınlarda Braziliya liqasında “Fortaleza”ya qarşı oyunda iştirak edib. Xatırladaq ki, braziliyalılar noyabrın 15-də Londonda Seneqalla, üç gün sonra Fransanın Lill şəhərində Tunislə qarşılaşacaq.