Ölkəmizim sərbəst güləşçiləri İslamiadanın son günündə 4 medal qazanıb. 86 kiloqram çəki dərəcəsində çıxış edən Arseni Cioyev finalda bəhreynli Xıdır Saypudinovla qarşılaşıb və rəqibini 5:1 hesabıyla yenərək qızıl medal qazanıb. Finalda iranlı Yunes Emamiyə uduzan Ağanəzər Novruzov (74 kiloqram) ikinci yeri tutub.
Digər güləşçilərmiz gəlincə, Maqomedxan Maqomedov (97 kiloqram) rəqibi xalça çıxmadığı üçün, Giorgi Meşvildişvili (125 kiloqram) isə misirli Abdelrehman Şeyatan üzərində qələbə sayəsində bürünc medal əldə edib.
Xatırladaq ki, daha əvvəl güləşçilərəmizdən Jalə Əliyeva (57 kiloqram) qızıl, İslam Bazarqanov (57 kiloqram), Ruzanna Məmmədova (62 kiloqram), Həsrət Cəfərov (67 kiloqram) və Murad Əhmədiyev (97 kiloqram) gümüş, Elnurə Məmmədova (50 kiloqram) və Nigar Mirzəzadə (68 kiloqram) isə bürünc medal qazanıb.
Beləliklə, başa çatan VI İslam Həmrəyliyi Oyunlarında idmançılarmız 59 medal qazanıb (9+19+31). Komanda hesabında ölkəmiz 10-cu yeri tutub. İlk sırada Türkiyə, ikinci yerdə isə Özbəkistan qərarlaşıb. İlk üçlüyü isə İran qapadıb. Qeyd edək ki, İslamiadada 57 ölkənin idmançılar mübarizə aparıb.
