Misir oyuna fırtına kimi başladı. Artıq 4-cü dəqiqədə “Fillər”in kapitanı Frank Kessyenin kobud səhvindən sonra Ömər Marmuşa hesabı açdı – 1:0. Çox keçmədən misirlilər fərqi artırdı. Məhəmməd Salahın ötürməsindən sonra Rabia başla zərbə endirdi, Sanqareyə dəyən top istiqamətini dəyişərək qapının uzaq küncünə düşdü – 2:0. Fasiləyə az qalmış Kot-d’İvuar fərqi azaltsa da (2:1), ikinci hissənin əvvəlində Misir yenidən cəzalandırdı.

İkinci hissənin 6-cı dəqiqəsində Aşurun diaqonal ötürməsini Məhəmməd Salah soyuqqanlılıqla tamamladı – 3:1.

 *Maraqlı fakt: Bu qolla Məhəmməd Salah milli komandada 100-cü məhsuldar hərəkətini (qol+assist) etdi. O, bu göstəriciyə 113 matçda çatıb. Milli səviyyəsində “yüzlüyü” daha tez yığmaq yalnız Pele və Neymar-a nəsib olub.

73-cü dəqiqədə Kot-d’İvuar ümidləndi. Sanqarenin zərbəsindən sonra qapıçı əl-Şenavi topu qaytarsa da, təkrar zərbə ilə Gel Due (PSJ-li Dezire Duenin qardaşı) fərqi minimuma endirdi – 3:2. Lakin qalan 20 dəqiqə ərzində “Fillər”in təzyiqi nəticə vermədi. Turnir boyu aşağı qol effektivliyindən (yaradılan şansların reallaşdırılması problemi) əziyyət çəkən Kot-d’İvuar, bu dəfə də eyni problemin qurbanı oldu.