FİFA 2026-cı il futbol üzrə Dünya Çempionatının talismanlarını təsdiqləyib.

Mundialın talismanları ABŞ-ı təmsil edən ağbaş qartal, Meksikanı təmsil edən yaquаr və Kanadanı təmsil edən sığın olub.

Hər bir talisman FİFA tərəfindən hazırlanmış ayrıca süjetə sahibdir, həmçinin futbol meydanındakı mövqeyi və öncədən qurulmuş hekayəsi var.

ABŞ-ı təmsil edən qartal Klatç komandanın mavi səfər formasında təqdim olunub. 2024-cü ildə sabiq prezident Co Bayden imzaladığı qanunla ağbaş qartalı ölkənin rəsmi milli quşu elan edib.

Kanadanı təmsil edən sığın Meypl ölkənin qırmızı ev formasında çıxış edir. O, həmçinin Kanadanın milli simvolu olan ağcaqayın yarpağından ilhamlanıb.

Meksikanı təmsil edən yaquаr Zayu isə yaşıl ev formasındadır. Meksikanın qədim sivilizasiyaları, o cümlədən mayyalılar – yaquara böyük önəm verərək onu yeraltı dünyası ilə əlaqələndirir, güc və cəsarətin simvolu hesab edirdilər.

Xatırladaq ki, Dünya Çempionatının final mərhələsi 11 iyun – 19 iyul 2026-cı il tarixlərində ABŞ, Kanada və Meksikada keçiriləcək.