Perunun paytaxtı Limada keçirilən cüdo üzrə Qran-Pri turniri başa çatıb. Yarışın sonuncu günündə daha 2 cüdoçumuz fəxri kürsüdə yer alıb. 90 kiloqram çəki dərəcəsində tatamiyə çıxan Murad Fətiyev beş aylıq fasilədən sonra dönüşünü gümüş medalla qeyd edib. Ən ağırların mübarizəsində isə Kənan Nəsibov (+100 kiloqram) bürünc medal qazanıb. Bu, 21 yaşlı cüdoçumuzun Dünya Turu Seriyasında qazandığı ilk medaldır. Beləliklə, millimiz Perudan 7 medalla dönüblər. Daha əvvəl Əhməd Yusifov (60 kiloqram) gümüş, Rəşad Yelkiyev, Ruslan Paşayev (hər ikisi – 66 kiloqram), Ömər Rəcəbli (81 kiloqram) və Könül Əliyeva (48 kiloqram) bürünc mükafat qazanıblar.
