Ötən mövsümdən etibarən Çempionlar Liqasında yeni format tətbiq olunub. 36 komandadan 24-ü pley-off mərhələsinə adlayacaq. İlk 8 yeri tutan komanda 1/8 finala birbaşa vəsiqə qazanır, 9-24-cü yerləri tutan klublar isə pley-off mərhələsində 1/8 final vəsiqə uğrunda mübarizə aparırlar. Digər komandalar üçün Avropa kubokları başa çatır; artıq Avropa Liqasına keçid (düşmə) mövcud deyil. Təmsilçimiz “Qarabağ”ın növbəti mərhələnin bir addımlığında olduğunu nəzərə alaraq, turnirin bundan sonrakı formatını və oyun təqvimini təqdim edirik
Komandaların hazırkı status
1/8 finala vəsiqəni təmin edənlər:
Arsenal (İngiltərə)
Bayern Münhen (Almaniya)
Pley-off və ya daha yüksək mərhələni təmin edənlər:
Atalanta, Yuventus, İnter (İtaliya)
Nyukasl, Çelsi, Liverpul, Mançester Siti, Tottenhem (İngiltərə)
Barselona, Atletiko, Real (İspaniya)
PSJ (Fransa)
Sportinq (Portuqaliya)
Turnirlə vidalaşanlar:
Ayntraxt (Almaniya)
Slaviya Praqa (Çexiya)
Kayrat (Qazaxıstan)
Vilyarreal (İspaniya)
Püşkatma və Qaydalar
Liqa mərhələsi bitdikdən sonra 30 yanvar, Bakı vaxtı ilə saat 15:00-da Nionda pley-off püşkatması keçiriləcək. Cütlüklər turnir cədvəlindəki yerlərə əsasən müəyyən ediləcək:
9 və 10-cu yerlər — 23 və 24-cü yerlərlə;
11 və 12-ci yerlər — 21 və 22-ci yerlərlə;
13 və 14-cü yerlər — 19 və 20-ci yerlərlə;
15 və 16-cı yerlər — 17 və 18-ci yerlərlə qarşılaşacaq.
Səpələnmiş komandalar (9-16-cı yerlər) cavab oyununu öz meydanlarında keçirmək üstünlüyünə malikdirlər. Bu mərhələdə eyni ölkə təmsilçilərinin və ya liqa mərhələsində qarşılaşmış komandaların bir-biri ilə rəqib olması mümkündür.
Oyunların Təqvimi
Mərhələ Tarix
Pley-off püşkatması 30 yanvar 2026
Pley-off oyunları 17/18 və 24/25 fevral 2026
1/8, 1/4 və 1/2 final püşkatması 27 fevral 2026
1/8 final oyunları 10/11 və 17/18 mart 2026
1/4 final oyunları 7/8 və 14/15 aprel 2026
Yarımfinal oyunları 28/29 aprel və 5/6 may 2026
FİNAL (Budapeşt) 30 may 2026