“Kopenhagen” üzərində tarixi qələbən sonra baş məşqçi Qurban Qurbanov ənənəsinə sadiq qalaraq ilk öncə azarkeşləri təriflədi:  

– Azarkeşləri təbrik edirəm. Onlar bu qələbəyə layiq idilər. Futbolçuları da təbrik edirəm. Doğrudur,  ikinci hissədə anlaşılmazlıq oldu. Rəqib də sistemi dəyişdi. Amma getdikcə,  müdafiə olunduqca öyrəşdik, bir neçə epizod da oldu. Dəqiqlik çatmadı. Amma final fitindən sonra önəmli olan qalib gəlməyimizidir. Çox möhtəşəm.

Qurbanov turnirin əvvəlində 2 oyuna 2 qələbəyə haradasa inanmadığını da etiraf etdi:

-Bəlkə deyərdim ki, tam gözləmirdim, amma futbolçulara inanırdım. Turnirin ağırlığından, adından ehtiyat edirdim ki, bəzi futbolçular tam özünü göstərə bilməz. Şükürlər olsun, ilk oyundan uyğunlaşdılar.

Növbəti oyun “Atletik Bilbao” ilədir.

-Bu oyuna hələ var. Oyunlarına tam baxmamışıq. Bu oyunları düzgün qəbul etmək lazımdır, daha düzgün hazırlaşmaq lazımdır. Bizim uğurlardan sonra rəqiblər bizə qarşı daha məsuliyətli olacaqlar.