UEFA Çempionlar Liqasının əsas mərhələsinin oktyabrın 22-də Bilbaonun “San Mames” stadionunda keçiriləcək “Atletik” – “Qarabağ” oyunu xorvatiyalı hakimlər briqadasına həvalə olunub. Görüşün baş hakimi İqor Payaç olacaq. Ona yan xətt hakimləri Boyan Zabenitsa və İvan Mixal kömək edəcəklər. Dördüncü hakim funksiyasını Zdenko Lovriça yerinə yetirəcək. VAR hakimi İvan Bebek, onun köməkçisi isə isveçrəli Fedayi San olacaq. Xatırladaq ki, Payaç idarə etdiyi son on beynalxalq görüşdə futbolçulara qırmızı vərəqə göstərməyib.
