Şahmat üzrə Azərbaycan çempionatında gərgin keçən tay-brek mərhələsi başa çatıb. Rəqiblərini üstələyən Nicat Abasov, Xaqan Əhməd, Rəhim Qasımov, Kamal Ağasiyev, Paşam Əlizadə və Rəvan Əliyev adlarını 1/8 finala yazdırıblar.
Maraqlı məqamlardan biri odur ki, bu mərhələdən etibarən qadın şahmatçılar da ümumi mübarizəyə qoşulacaqlar.
Tay-brek həyəcanından sonra növbəti mərhələnin bütün cütlükləri artıq müəyyənləşib:
Şəhriyar Məmmədyarov (reytinq favoriti) – Murad İbrahimli
Rauf Məmmədov (son çempion) – Şiroğlan Talıbov
Vüqar Rəsulov – Əhməd Əhmədzadə
Aydın Süleymanlı – Rəhim Qasımov
Nicat Abasov – Xaqan Əhməd
Read Səmədov – Paşam Əlizadə
Məhəmməd Muradlı – Rəvan Əliyev
Eltac Səfərli – Kamal Ağasiyev
Çempionatda partiyalar hər gün saat 15:00-da start götürür. Ölkənin ən güclü şahmatçısının adına isə fevralın 22-də keçiriləcək final oyunlarından sonra aydınlıq gələcək.